မီနာမာတာ အဆိပ်သင့်ခြင်း သို့မဟုတ် ပြဒါးဆိပ်သင့်ခြင်း

စွမ်းထက်နောင် shared a status. March 6

မီနာမာတာ အဆိပ်သင့်ခြင်း သို့မဟုတ် ပြဒါးဆိပ်သင့်ခြင်း           The Poisoning Of Minamata စွမ်းထက်နောင်

ပြဒါးအဆိပ်သင့်ခြင်း အဖြစ်အပျက်များသည် သာမန်ရိုးရိုးရှင်းရှင်းမဟုတ်ပဲ ကြောင်များလမ်းမပေါ်တွင် ကနေခြင်းမှ ထူးဆန်းစွာ စတင်ခဲ့ပါသည်။ တစ်ခါတစ်ရံ ကနေရင်း ရုတ်တရက်လဲကျ၍ သေအံ့မူးမူးဖြစ်ပြီး တချို့မှာ သေဆုံးသွား ခဲ့ပါသည်။

(၁၉၅၀)ခုနှစ်၌ဂျပန်နိုင်ငံတွင် ငါးဖမ်းခြင်းဖြင့် အသက်မွေးဝမ်းကြောင်းပြုကြသည့် ရွာလေးတစ်ရွာတွင် ထိုကဲ့သို့ နားလည်၊ ရှင်းပြရန် ခက်ခဲသောရောဂါဖြစ်ပွားခဲ့ပါသည်။ ထိုရွာမှလူများနှင့်မိသားစုဝင်များသည် မကြာခဏအထိန်းအကွပ်မဲ့စွာ အော်ဟစ်ခြင်း၊စကား ပြောဆိုရာတွင် အရက်မူးသည့်ပုံစံဖြစ်နေခြင်း၊ မောပန်းနေပြီး စကားလုံးများကို ရှင်းလင်းစွာ အသံမထွက်နိုင်ပဲ ပလုံးပထွေးဖြစ်နေခြင်းများကို တွေ့ကြုံ့ခံစားခဲ့ရပါသည်။

ထိုကဲ့သို့မထင်မရှား မသိ မသာပြသသည့်၊ အစကနဦး ရောဂါလက္ခဏာများဖြစ်သော အာရုံကြောများချို့ယွင်းခြင်းနှင့် အားနည်း ခြင်း များသည် ပြဒါးဓာတ်ပါဝင်သောအစားအစာများကို စားသုံးမှုကြောင့်ဖြစ်ကြောင်း ယခင်က မသိရှိခဲ့ ကြပါ။ လူများ၏အပြုအမူများပြောင်းလဲမှုများသည်လူနည်းစုမဟုတ်တော့ပဲတဖြည်းဖြည်းနှင့်လူပေါင်းများ စွာထိုရောဂါဖြစ်ပွားနေ ကြောင်းကို သိရှိလာခဲ့ကြပါသည်။

ထိုကဲ့သို့နားလည်ရန်၊ရှင်းပြရန် ခက်ခဲသောကြောင်များကနေခြင်း နှင့် လူုများ၏အပြုအမူများ ပြောင်းလဲမှုများသည် ဂျပန်နိုင်ငံ မီနာမာတာမြို့တွင်စတင်ဖြစ်ပွားခဲ့ပါသည်။ အလွန်စိတ်လှုပ်ရှားဖွယ် ကောင်းသောရောဂါများ စတင်ဖြစ်ပေါ်ခဲ့ခြင်း သည် သမိုင်းတွင်စက်မှုလုပ်ငန်းများဖွံ့ဖြိုးလာမှုနှင့်အတူ၊ပတ်ဝန်းကျင်ညစ်ညမ်းမှုနှင့် ပတ်ဝန်းကျင်ပျက်စီးထိခိုက်မှု ပြဿနာ ကြောင့် ရောဂါပါရရှိနိုင်ကြောင်း ကိုပထမဦး စွာပြသလိုက်သည့် သက်သေအထောက်အထားတစ်ခုပင် ဖြစ်ပါသည်။

တစ်ဦးတစ်ယောက်သေဆုံး၍ ၀မ်းနည်းပူဆွေးရသည် ထက်သာမက လူထောင်ပေါင်းများစွာ သေဆုံးရခြင်းက၊ ကပ်ရောဂါ သဖွယ် ပိုမိုထိတ်လန့်ခြောက်ခြားတုန်လှုပ်စေခဲ့ပါသည်။ ထိုကြေကွဲစရာ အံ့သြစရာကောင်းလောက်သည့်၊ မီနာမာတာမြို့ရှိ လူအများ အဆိပ်သင့်သေဆုံးခြင်း အကြောင်းသည် ကိန်းဂဏန်းအရအထောက်အထားများ အမှန်တကယ် အတိအကျ အပြည့်အစုံရှိ ခဲ့ပါသည်။

အစားအစာတွင်ပါဝင်သောအရာဝတ္ထုများနှင့် လူအများ၏ကျန်းမာရေး ဆက် နွယ်မှုရှိသည်ကို အထင်အရှား ပြသလိုက် သည့် သက်သေဥပမာတစ်ခုပင်ဖြစ်ပါသည်။ သဘာဝပတ်ဝန်းကျင်ညစ်ညမ်းမှုများသည် လူသားတို့၏ အရေးပါသော နေထိုင်မှုဘ၀ဖြစ်စဉ်များကို ပျက်သုဉ်းစေနိုင်ကြောင်းကို သတိပေးနေသော သင်ခန်းစာ ယူသင့်သည့်အဖြစ်အပျက်များ ဖြစ်ပါသည်။

တစ်ခါတစ်ရံအစားအစာများသာမက မမျှော်လင့်ထားသည့်လူအများနှင့်ပတ်သက်မှုမရှိသော အရာ များကြောင့်လည်းကျန်းမာရေးချို့ယွင်းမှုများ ဖြစ်ပေါ်နိုင်ပါသည်။
မီနာမာတာပြဒါးအဆိပ်သင့်ခြင်းမှစတင်၍ ပြဒါးအဆိပ်သင့်ခြင်းကို မီနာမာတာရောဂါ (Minamata Disease) ဟုခေါ်ဆိုခဲ့ပါသည်။ ထိုအဖြစ်အပျက်များကို (၁၉၇၀)ခုနှစ်၌ဂျပန်ပြည်ရှိ သတင်းစာများ၏မျက်နှာအဖုံးတွင်အသေးစိပ်ဖော်ပြထားခဲ့ပါသည်။ကမ္ဘာတစ်ဝန်းလူအများသိရှိခဲ့ရာမှအနောက်နိုင်ငံများသို့ပျံ့နှံသွားခဲ့ရာအမေရိကသို့ပင်သတင်းရောက်ရှိကြော်ကြားခဲ့ပါသည်။ ထိုကြေကွဲစရာကောင်းသော အဖြစ်အပျက်များ၏အထောက်အထားများအပြည့်အစုံကိုအကျဉ်းချုပ် ဖေါ်ပြရသော်၊ အောက်ပါအတိုင်းဖြစ်ပါသည်။
မီနာမာတာမြို့သည်ဂျပန်နိုင်ငံကျူရှုးကျွန်းအရှေ့ဘက်ကမ်းရိုးတန်းတွင်တည်ရှိပါသည်။ထိုအရပ်ဒေသမှလူအများ၏အသက်မွေးဝမ်းကြောင်းလုပ်ငန်းသည်ပင်လယ်ငါးဖမ်းခြင်းနှင့်စိုက်ပျိုးရေးလုပ်ငန်းများကိုသာလုပ်ကိုင်ကြပါသည၊် (၁၉၃၂)ခုနှစ်တွင် ချီဆိုကော်ပိုရေးရှင်း (Chisso Corporation) သည် ပလစ်စတစ်ထုတ်လုပ်ရန် အစက်တယ်ဒီဟိုက် (Acetaldehyde) ဓာတုပစ္စည်းကိုစတင်ထုတ် လုပ်ခဲ့ပါသည်။ ထုတ်လုပ်မှုလုပ်ငန်းစဉ်မှထွက်ရှိသော ပြဒါးဓါတ်ပါဝင်သည့်စွန့်ပစ်ပစ္စည်းများကို ကမ်းခြေပင်လယ်အော်၏ရေထဲသို့စွန့်ပစ်လိုက်၏။ ထိုသတ္တုပြဒါးသည် မီသိုင်းမာကြူရီကလိုရိုက် (Methyl Mercury Chloride) အဖြစ်ပင်လယ်ရေအတွင်း ဖြစ်ပေါ်လာပါသည်။ ထိုဒေသပင်လယ်ရေထဲရှိ အပင်များ ငါးစသည့်ရေသတ္တ၀ါများထံရောက်ရှိစားသုံးမိပြီးထိုသတ္တ၀ါများ ၏ ခန္ဓာကိုယ်အတွင်းသို့ရောက်ရှိသွားပါသည်။ ထိုငါးပင်လယ်ထွက်ပစ္စည်းများကို လူအများက အစားအစာအဖြစ်စားသုံးကြရာမှ ပြဒါးဓာတ်များသည်လူ၏ခန္ဓာကိုယ်အတွင်းသို့ရောက်ရှိသွားပါ သည်။
ထိုအချိန်က မီနာမာတာဒေသတွင်နေထိုင်သူအများသည်၊ ပင်လယ်အော်မှငါးများနှင့် ပင်လယ်ထွက်ပစ္စည်းများကိုသာ အစာအာဟာရအဖြစ် မှီခိုစားသောက်နေရပါသည်။ (၁၉၅၀)ခုနှစ်အထိ ထိုဒေသရှိလူအများ၏အဓိကအစားအစာမှာ ပင်လယ်ထွက်ပစ္စည်းများနှင့် ငါးများသာဖြစ်ခဲ့၏။ ဓာတုစက်ရုံမှပြဒါးဓာတ်၏အဆိပ်အတောက်များသက်ရောက်မှုကြောင့် ဆိုးကျိုး များသည် ဒေသခံများအပေါ် လျှင်မြန်စွာ ထိခိုက်စေခဲ့ပါသည်။
ဒုတိယကမ္ဘာစစ်ကြီးပြီးဆုံးသည့်(၁၉၅၂)ခုနှစ်ခန့်တွင် အစက်တယ်ဒီဟိုက်ထုတ်လုပ်မှုသည် များစွာတိုးတက်လာ၏။ စီးပွားရေးအရနှင့်ဒေသခံများ၏အလုပ်အကိုင်ရရှိပြီး ဘ၀နေထိုင်မှု တိုးတက်လာခဲ့၍ လူအများလက်ခံကြိုဆိုခဲ့ကြပါသည်။ ထိုအချိန်၌ပင်မီနာမာတာပင်လယ်အော် အတွင်း ငါးများရေပေါ်တွင် ပေါ်လောပေါ်နေကြောင်းစတင်တွေ့ရှိခဲ့ကြပါသည်။ ချီဆိုဓါတုကော်ပို ရေးရှင်းမှ ဒေသခံငါးဖမ်းသူများ၏ငါးဖမ်းရေပြင်ညစ်ညမ်းပျက်စီးမှုအတွက် လျှော်ကြေးငွေများပေးခဲ့ ကြပါသည်။ ထိုအချိန်၌ပင် ထူးခြားဆန်းကြယ်သော အပြုအမူများအဖြစ် ကြောင်များ ကခုန်နေခြင်း (Dancing Cat) ကိုတွေ့မြင်ခဲ့ကြရပြီး တစ်ခါတစ်ရံပင်လယ်အတွင်းသို့ကြောင်များလိမ့်ကျ သေဆုံး မှုများကို မကြာခဏ တွေ့ရှိရသဖြင့် ဒေသခံများက ကြောင်များသေကြောင်းကြံစည်ခြင်း (Cat Suicides) ဟုပင်ပြောဆိုကြရပါသည်။
(၁၉၅၀)ခုနှစ်တွင် အထက်ပါကြောင်များ၏ အပြုအမူများတိုင်းလူများတွင် စတင်ဖြစ်ပေါ်လာခဲ့ပါသည်။ လူအများသည် လမ်းလျှောက်နေစဉ် လဲကျလုမတတ်ဖြစ်ခြင်း၊ စာမရေး၍မရတော့ခြင်း၊ အင်္ကျီကြယ်သီးများ မိမိကိုယ်တိုင် မတပ်နိုင်ခြင်း၊ အစာစားရန်တူများမကိုင်နိုင်တော့ခြင်း၊ အကြားအာရုံ၊ အမြင်အာရုံချို့ယွင်းခြင်း ၊အစာကိုမျိုမချနိုင်ခြင်း၊ တုန်တုန်ရီရီဖြစ်ခြင်း၊ ယိမ်းယိုင်၍ မိမိကိုယ်ကိုမထိန်းနိုင်ခြင်းစသည်တို့ဖြစ်ပေါ်လာပါသည်။ (၁၉၅၆)ခုနှစ်၌မီနာမာတာမြို့တွင် လူများစွာကပ်ရောဂါသကဲ့သို့ ဖြစ်ပွားလာခဲ့ပြီး ရောဂါဖြစ်ပွားသူများ၏ ခန္ဓာကိုယ်ပုံသဏ္ဍာန်ကိုပါ ကမောက်ကမ ပြောင်းလဲဖြစ်စေသောကြောင့် လူအများကြောက်လန့် ခြင်းများ ဖြစ်ပေါ်လာခဲ့၏။
မည်သူကမျှ အဘယ်ကြောင့် ထိုသို့ဖြစ်ပွားသည်ကိုမသိရှိသဖြင့် ပရောဂလား သို့မဟုတ် ဦးနှောက်ရောဂါပိုးများဝင်ခြင်းလား၊ဆစ်ဖလစ်ရောဂါပိုးလား၊ရောဂါပိုးဝင်၍ဦးနှောက်ရောင်ရမ်းခြင်းလား၊ကူးစက်ရောဂါများလား၊အရက်စွဲရောဂါများလား၊ မျိုးရိုးဗီဇလိုက်သည့်ရောဂါများလား၊ သို့လောသို့လောနှင့် မည်သည့်ရောဂါများ ဖြစ်ပွားနေကြောင်း မသိရှိကြပါ။
လူအများခေါ်ဝေါ်သုံးစွဲကြသည့် ထင်ရှားသောအမည်များမှာ ကြောင်များကခုန်ခြင်းရောဂါ (Cats Dancing Disease) နှင့် ထူးဆန်းသောရောဂါ (Strange Disease) များဖြစ်ပါသည် ကောင်းစွာမသိရှိခြင်းနှင့် နားမလည်နိုင်ခြင်း၊ရှင်းမပြနိုင်ခြင်းတို့ကြောင့် အထက်ပါအမည်နှစ်ခုစလုံး ကို ရောဂါနာမည်အဖြစ် ခေါ်ဝေါ်နေကြပါသည်။
ဇီဝကမ္မဗေဒဖြစ်စဉ်အရ ခန္ဓာကိုယ်အစိတ်အပိုင်းလုပ်ဆောင်ချက်များကို ထိန်းသိမ်းပေးသည့် စနစ်အကြီးအကျယ်ပျက်စီးပျောက်ဆုံးကုန်သဖြင့် ရောဂါခံစားနေရသူများသည် မိမိကိုယ်ကိုယ်ဟန် ချက်ညီရန်မထိန်းနိုင်တော့ပါ ။ရောဂါစတင်ခံစားရသည့် ငါးဖမ်းပြီးအသက်မွေးသည့်ဖခင်အကြောင်း ကို သားဖြစ်သူက မျက်မြင်ကိုယ်တွေ့ပြောပြပုံမှာ ဤသို့ဖြစ်ပါသည်။ ဖခင်ဖြစ်သူမှာ မကြာခဏယိုင်တိယိုိုင်တိုင် ဖြစ်နေပြီးလှေပေါ်အိပ်ပျော်နေစဉ် လက်တစ်ဘက် ရေထဲသို့ ပြုတ်ကျနေခြင်းကိုမသိပြီး၊မိမိ၏ခြေညှပ်ဖိနပ်ကိုမိမိကိုယ်တိုင်မ၀တ်နိုင်ခြင်း၊လမ်းလျှောက်နိုင်၍ အခြားသူများဘာပြောသည်ကို နားလည်နိုင်သော်လည်းစကားပြန်ပြောစဉ် ပလုံးပထွေးဖြစ်နေခြင်း စသည့်တို့ကို တွေ့ကြုံ့ခံစားနေရပါသည်။
(၄)ရက်မြောက်သောနေ့၌မိမိကိုယ်ကိုထိန်းချုပ်ရန်ကြိုးစားနေစဉ်မှာပင်အခြေအနေယိုယွင်း ပြောင်းလဲသွားသဖြင့် ဆေးရုံတင်လိုက်ရပါသည်။
အိပ်ယာကုတင်ပေါ်တွင် ဖခင်အားပတ်တီးများဖြင့် ချည်နှောင်ထားရပါသည်။ တစ်ခါတစ်ရံ ကရန်အလွန်စိတ်အားထက်သန်နေပြီးပါးစပ်မှဘာတွေပြောနေမှန်းမသိ၊တံတွေးများထွေးလိုက်၊ ပြင်းပြင်းထန်ထန်တစ်ကိုယ်လုံးတုန်လှုပ်လိုက်နှင့်ဖြစ်နေ၏။ သူ၏အရေပြားများကိုလက်သည်းများ ဖြင့်ထိုးစိုက်ပြီးတစ်ကိုယ်လုံးသွေးထွက်ရန်ကုတ်ခြစ်နေကြောင်းပြောပြ၏။ ထိုကဲ့သို့ရောဂါခံစားရပြီး (၇)ပတ်အတွင်းကွယ်လွန်သွားခဲ့ပါသည်။ မိခင်သည်လည်းထိုနည်းတူရောဂါခံစားခဲ့ရပြီး ဖခင် သေဆုံးပြီး(၉)နှစ်အကြာတွင် သေဆုံးခဲ့သည်ဟု ဆိုပါသည်။
(၁၉၅၆)ခုနှစ်၌ လူများတွင်ရောဂါဖြစ်ပွားမှုကို လေ့လာသောပညာရှင်များနှင့် ဆေးဝါးပညာ ရှင်များမှ မီနာမာတာပင် လယ်အော်အတွင်းမှငါးရေသတ္တ၀ါများကို စားသုံးခြင်းကြောင့် ပြဒါး သတ္တုဓါတ်အဆိပ်သင့်ခြင်းဖြစ်ကြောင်းကို သက်သေအထောက်အထားများဖြင့်တင်ပြဖော်ထုတ်နိုင် ခဲ့ပါသည်။ထိုဒေသရှိမွေးဖွားလာခဲ့သည့် ကလေးများသည်လည်းထိုရောဂါ များပါလာခဲ့ကြပါသည်။
မီနာမာတာရောဂါ (Minamata Disease) ဆိုသည်မှာ မီသိုင်းမာကြူရီ ( Me Hg) ပြဒါးအဆိပ်သင့်ခြင်းဖြစ် ပါသည်။ ပြဒါးဓာတ်ပါသောပင်လယ်ထွက်ငါးများနှင့်အခွံပါသောငါးများ၊ခရု၊ဂုံးကောင်၊ပုဇွန်နှင့် ဂဏန်းများကို လူအများစားသောက်မိခြင်းကြောင့် ပြဒါးအဆိပ်သင့်သည့်ရောဂါဖြစ်ပါသည်။ ပင်လယ်ထွက်ရေ သတ္တ၀ါများငါးများတွင်ထိုပြဒါးဓါတ်ပါရခြင်းမှာဓာတုလုပ်ငန်းတစ်ခုမှစွန့်ပစ်သောပစ္စည်းများကြောင့် ဖြစ်ပါသည်။ (၁၉၅၆)ခုနှစ်မေလတွင် တရားဝင်ပထမအကြိမ် ပြဒါးအဆိပ်သင့်ခြင်းကို ဂျပန်နိုင်ငံ မီနာမာတာမြို့ကျူရှုးကျွန်းအရှေ့တောင်ဘက်တွင်စတင်တွေ့ရှိခဲ့ခြင်းဖြစ်၏။မီနာမာတာကမ်းခြေမှ ထုတ်လုပ်သော ရေထွက်လုပ်ငန်း ထွက်ကုန်များတွင် ပြဒါးဓါတ် (၅.၆၁မှ၃၅.၇ ပီပီအမ်) (5.61 to35.7 ppm) အထိမြင့်မားစွာပါဝင်နေကြောင်းတွေ့ရှိရပါသည်။ ပြဒါးဓါတ်ပါဝင်နေကြောင်းကို လူနာများ၏ ဆံပင်အမွှေးအမျှင်များ တွေ့ရှိခဲ့ကြ၏။ ထိုနေရာများတွင် နေထိုင်ကြသော ရှီရာမုအိ(Shiramui) ပင်လယ်ကမ်းရိုးတန်းတစ်လျှောက်ရှီ လူများ မိသားစုများ တွင်လည်း ပြဒါးဓါတ် မြင့်မားစွာ အများဆုံး(၇၀၅ ပီပီအမ်) (705 ppm) အထိရှိကြောင်းတွေ့ရှိခဲ့ရပါသည်။
အဓိကရောဂါလက္ခဏာပြသမှုများမှာခံစားမှုတုန့်ပြန်နိုင်သည့်အရည်အသွေးများနှင့်စိတ်ပိုင်းဆိုင်ရာချို့ယွင်းခြင်း(Sensory Disturbances)၊ရောဂါကြောင့်ခြေလက်ရှိအကြောများပျက်စီးခြင်း၊ လက်နှင့်ခြေထောက်များသည် လက်အိတ်ခြေ အိတ်များဝတ်ဆင်ထားမှုကြောင့် တင်းကျပ်နေသကဲ့သို့ခံစားနေရခြင်း (Glove and Stocking Type) ခြေလက်များဆာနေခြင်း ကြွက်သားများလှုပ်ရှားမှုပုံမမှန်ခြင်း၊(Ataxia)ရိုးဆက်မျက်ခြင်း၊ အဆစ်လွဲခြင်း၊ (Dysarthria) အမြင် အာရုံတင်းကျပ်ခြင်း ကျဉ်းမြောင်းခြင်းေ၀၀ါးခြင်း၊ နားအကြားအာရုံချို့ယွင်းခြင်း၊ အသေးစား ငလျှင်လှုပ်သကဲ့သို့ ခန္ဓာကိုယ်အစိတ်အပိုင်းများတုန်လှုပ်နေခြင်း၊ တုန်တုန်ရီရီဖြစ်နေခြင်း တို့ဖြစ်ပါသည်။ မိခင်စားသုံးလိုက်သည့် ရေထွက်ပစ္စည်းတွင်ပါဝင်သောပြဒါးဓာတ်တို့ကြောင့် သန္ဓေသားတွင်ပါ ပြဒါးဆိပ်သင့်ခြင်း၊ဖြစ်၍ သန္ဓေသားတွင် အလွန်စိုးရိမ်စရာကောင်းသည့် ဦးနှောက်ဒဏ်ရာ ပမာဏကြီးစွာ ရရှိနိုင်ကြောင်းတွေ့ရှိရပါသည်။
ပြဒါးဆိပ်ကြောင့်ရောဂါဖြစ်ပွားမှုများမှာဖြစ်စတွင်ရောဂါလက္ခဏာပြသမှုထင်ရှားစွာမပြတတ်ပါအချိန် ကြာသည်နှင့်အမျှ ရောဂါလက္ခဏာတို့မှာတဖြည်းဖြည်းထင်ရှားစွာပြသလာပြီး၊ နာတာရှည်ရောဂါ အဖြစ်ဖြစ်ပွားခံစားရပါသည်။လွန်ခဲ့သော(၃၆)နှစ်ခန့်ကစတင်ဖြစ်ပွားခဲ့သည်ကိုလူပေါင်း(၁၀၄၃)ဦး သေဆုံးခဲ့ပြီးမှ(၂၂၅၂)ဦးသည်တရားဝင်ပြဒါးဆိပ်သင့်နေကြောင်းသိရှိလာခဲ့ကြပါသည်၊ နှစ်ပေါင်း(၃၀)ကျော်အတွင်း မီနာမာတာပင်လယ်အော်အတွင်းသို့ စွန့်ပစ်ပစ္စည်းဖြစ်သည့် ပြဒါးဓါတ်တန်ချိန်(၃၀)ကျော်ကိုစွန့်ပစ်ခဲ့ပါသည်။ ထိုဓါတုစက်ရုံမှပြဒါးအဆိပ်သင့်မှုကြောင့်လူအများ ပြဒါးဆိပ်သင့်ခြင်းနှင့် မွေးဖွားလာသောကလေးများတွင်လည်း မွေးရာပါပြဒါးဆိပ်သင့်ရောဂါပါ လာခဲ့ပါသည်။ ချီဆိုကော်ပိုရေးရှင်းမှ မိမိတို့စက်ရုံမှစွန့်ပစ်သောပြဒါးဓါတ်များကြောင့်ရောဂါဖြစ်ပွား ခြင်းမဟုတ်ကြောင်းကို သိပ္ပံပညာရှင်များဆရာဝန်အား သက်သေပြနိုင်ရန်ငှားရမ်းခဲ့ပါသေး သည်။ ဒုတိယကမ္ဘာစစ်အတွင်းကအသုံးပြုခဲ့သည့်လက်နက်များမှ အဆိပ်အတောက်များ ပင်လယ်အော် အတွင်းသို့ရောက်ရှိယိုစိမ့်မှုကြောင့် ဖြစ်ကြောင်းသက်သေထွက်ဆိုခဲ့ပါသည်။ သို့သော်(၁၉၇၃)ခုနှစ်တွင်ပထမဆုံးအကြိမ်အစီအရင်ခံစာထွက်ပေါ်လာခဲ့ပါသည၊်တရားရုံးမှတရားစွဲဆိုခဲ့ရသည့်အချိန်အတောအတွင်း နှစ်ပေါင်း(၂၀)ကျော်အချိန်ကြာမှ အစီအရင်ခံစာထွက်ပေါ် လာခဲ့ပါသည်။ ထိုအစီအရင်ခံစာအရပြဒါးအဆိပ်သင့်မှုကြောင့်ရောဂါများဖြစ်ပွားရခြင်းမှာမှန်ကန်ကြောင်းသိရှိခဲ့ကြရ၏။ ၁၉၅၆ခုနှစ်တွင်ပညာရှင်များမှ ပြဒါးအဆိပ်သင့်ခြင်းကိုဖော်ထုတ်တင်ပြခဲ့သော်လည်း ၁၉၅၉ခုနှစ်အထိ ချီဆိုကော်ပိုရေးရှင်းမှ လက်ခံခြင်းမရှိခဲ့ပါ။ ၁၉၆၃-ခုနှစ်တွင် လူအများကျန်းမာရေး စစ်ဆေးရေးအဖွဲ့ (Public Health Service) သုတေသနပညာရှင်များမှ စတင်ခြေရာခံ သုတေသနပြုလုပ်၍ ပြဒါးအဆိပ်သင့်သည်မှာ မှန်ကန်ကြောင်း အထောက်အထားများ ဖြင့်တင်ပြခဲ့ရာ ၁၉၇၀-ခုနှစ်မှ ဓါတုပစ္စည်းများစွန့်ပစ်ခြင်းမှ ရရှိသော ရောဂါဖြစ်ကြောင်းကို လက်ခံပြီး လျှော်ကြေးငွေ (၃၂)သန်းကို စတင်ပေးခဲ့ကြသည်။ မီနာမာတာအဆိပ်သင့်ခြင်းပြဒါးအဆိပ်သင့်ခြင်းသည်ဆရာဝန်သိပ္ပံပညာရှင်များနောင်လာနောက် သားများစံနမူနာနည်းပညာယူရသည့် ဇီဝဗေဒဆိုင်ရာဒြပ်စင်များအစားအစာတွင်ပါဝင်မူကြောင့် အစားအစာ နှင့်ပက်သက်သောကြီးမားသောအဆိပ်သင့်ခြင်းဖြစ်ပါသည် မီနာမာတာပင်လယ်အော်အတွင်းမှ ရေသတ္တ၀ါများကို စားသုံးမှုကြောင့်အဆိပ်သင့်သေဆုံးခဲ့ရသည့် ကြောင်များနှင့် လူအများကို စမ်းသပ်စစ်ဆေးခဲ့ရာ ခန္ဓာကိုယ်အတွင်းရှိ ကျောက်ကပ်နှင့် အသည်းများတွင် ပြဒါးဓာတ်များ မြင့်မားစွာပါဝင်နေကြောင်းတွေ့ရှိခဲ့ရသည်။
ယနေ့တိုင်အောင်ပြဒါးအဆိပ်သင့်သည့်ရောဂါဝေဒနာကိုခံစားနေရသူများရှိနေဆဲဖြစ်၍ ဆေးဝါးကျွမ်းကျင်သည့် ပညာရှင်များမှလူပေါင်း(၃၀၀၀၀)ခန့်ထိခိုက်ခဲ့ကြောင်းခန့်မှန်းခဲ့ပါသည်။ အသက်ရှင်လျှက်ရောဂါဝေဒနာခံစားနေရသူများ (၁၀၀၀၀)ကျော်မှ ရောဂါဖြစ်ပွားနေကြောင်း လျှောက်ထားခဲ့သော်လည်းဂျပန်အစိုးရမှလူပေါင်း(၂၃၀၀)ဦးသာရောဂါအမှန်တကယ်ဖြစ်ပွားနေ ကြောင်းလျော့နည်း လက်ခံအသိမှတ်ပြု ခဲ့ပါသည်။
လူအများကြွက်သားများသေခြင်း၊ခြေနှင့်လက်များလှုပ်ရှားမရပဲ သေကုန်ခြင်း၊သွက်ချာပါဒ ရောဂါများကိုများစွာရရှိခဲ့ခြင်းနှင့် သေဆုံးခဲ့သူများအထက်ပါစာရင်းတွင်မပါရှိခြင်း အစိုးရနှင့်တွေ့ ဆုံခြင်းမပြုသည့်သူများမည်မျှကျန်သည်ကိုမသိရှိနိုင်ခဲ့ခြင်းကြောင့် ဂျပန်အစိုးရအပေါ်ဝေဖန်ပစ်တင် မှုများကိုများစွာကြုံတွေ့ခဲ့ရ ပါသည်။
ပြဒါးအဆိပ်သင့်ခြင်းသည် တစ်ဦးတစ်ယောက်တည်းဖြစ်ပွားသည့်ကိစ္စရပ်မဟုတ်ပဲ လူအများ ကပ်ဘေးဆိုက်သည့် အကြီးအကျယ်ဖြစ်ပွားခဲ့သည့် အဆိပ်သင့်မှုကြီးဖြစ်၍ လူအများ၏ ကျန်းမာရေးကိုဂရုစိုက်ရန်ပျက်ကွက်သည့်အရေးကိစ္စဖြစ်ကြောင်း၊ အကယ်၍ချီဆိုကော်ပိုရေးရှင်း နှင့်ဂျပန်အစိုးရမှဆောလျှင်စွာအရေးယူဆောင်ရွက်မည်ဆိုပါက၊ အစားအစာငါးများတွင် ပြဒါးဓါတ် ကြောင့်အဆိပ်သင့်ခြင်းကိုလူအများသိရှိစေရန် သတိပေးနှိုးဆော်မည်ဆိုပါက ထိုမျှလောက်အထိ ရောဂါဝေဒနာခံစားရမှုများမရှိနိုင်ကြောင်း လျှော့နည်းနိုင်ကြောင်း ဝေဖန်ပြောဆိုကြပါသည်။ ထိုအရေးကိစ္စ ကပ်ဆိုက် သောကာလကိုရှောင်လွှဲနိုင်သည်များကို ချီဆိုကော်ပိုရေးရှင်းနှင့် အစိုးရတို့ကမိမိလုပ်ဆောင်ရမည့်အရေးကိစ္စဂရုစိုက်မှုများကိုပျက်ကွက်ခြင်းတို့ကြောင့်ဖြစ်ကြောင်း၊ လူအများ၏ကျန်းမာရေးနှင့်ပတ်ဝန်းကျင်ညစ်ညမ်းမှုကိုဂရုစိုက်မည်ဆိုပါကထိုကိစ္စမျိုးမဖြစ်ပေါ်လာ နိုင် ကြောင်းဟုဝေဖန်ပြောဆိုကြပါသည်။
ယနေ့အချိန်ထိဂျပန်အစိုးရနှင့်ချီဆိုကော်ပိုရေးရှင်းတို့သည် လူနာများ၊သေဆုံးခဲ့သူများ အတွက်ထောက်ပံ့နေရဆဲဖြစ်ပါသည်။ ချီဆိုကော်ပိုရေးရှင်းသည် ဒေါ်လာသန်းပေါင်း(၈၆)သန်းကို ရောဂါခံစားထိခိုက်နေသူများနှင့် မီနာမာတာ ပင်လယ်အော် သန့်ရှင်း ရေးအတွက် ပေးဆောင်သုံးစွဲရပြီး ဖြစ်ပါသည်။
ထိုပြဒါးအဆိပ်သင့်ရောဂါဖြစ်ပွားမှုများသည်ပတ်ဝန်းကျင်ညစ်ညမ်းမှုသာမကစီးပွားရေး၊ လူမှုရေးကိစ္စများအပေါ်တွင်ပါ ထိခိုက်စေခဲ့ပါသည်။
လူမှုရေးထိခိုက်မှုများအဖြစ် နှစ်စဉ်အချိန်ကြာမြင့်စွာကုသရမည့်လူနာများ၏ ၀န်ထုတ်ဝန်ပိုးနှင့် မမြင်နိုင်သေးသောခက်ခဲသည့်အကျိုးသက်ရောက်မှုများဖြစ်ပေါ်နေခြင်း၊ထိုဓါတုစက်ရုံစွန့်ပစ်ပစ္စည်းများကြောင့် လူနာများစိတ်ခံ စားရမှုများနှင့် လူအများ၏ စိတ်ထဲတွင် အမှတ်တရခံစားမှုများ ဖြစ်ပေါ်နေခြင်း ထိုဒေသတွင် နေထိုင်သူများ စိတ်ပိုင်းဆိုင်ရာရောဂါများ၊ စိတ်ဖိစီးမှုများနှင့် ကြုံတွေ့နေရခြင်း၊ အမြဲတစေကြောက်လန့်နေရမှု၊ ယုံကြည်မှုကင်းမဲ့ခြင်း၊ ရောဂါများမိမိတွင် ဘယ်တော့ဖြစ်မလဲဟု မကြာခဏ တွေးတောနေခြင်းများ ဖြစ်နေကြပါသည်။
စီးပွားရေးအရထိခိုက်မှုများအဖြစ်ငါးလုပ်ငန်းစက်ရုံများဆုံးရုံးပျက်စီး၍အလုပ်လက်မဲ့ဆင်းရဲ သူများတိုးလာခြင်း၊ ထိုရောဂါကြောင့် ထိခိုက်ရောဂါရရှိသူများကိုအချိန်တာရှည်စွာကုသရခြင်း၊ ပြုစုစောင့်ရှောက်ရခြင်းတို့ကြောင့်ကုန်ကျစရိတ်များ ဖြစ်ပါသည်။
သဘာဝပတ်ဝန်းကျင်အပေါ်ထိခိုက်သက်ရောက်မှုများအဖြစ်ပင်လယ်အော်ဒေသနှင့်တိရိစ္ဆာန်များပြဒါးဆိပ်သင့် ခြင်းကိုတွေ့ကြုံနေရပါသည်။ ထို့ပြင်ပြဒါးအဆိပ်များကိုကုန်စင်ရန် ဖယ်ရှား နေရခြင်းတို့ကြောင့်ကုန်ကျစရိတ်များ၊များပြားလှပါသည်။အထက်ပါမီနာမာတာပြဒါးအဆိပ်သင့် ခြင်းမှ စတင်၍(၁၉၇၀)ခုနှစ်တွင်ဂျပန်အစိုးရမှရေထုညစ်ညမ်းမှု၊ ရေထဲတွင်အဆိပ်အတောက် ပါဝင်မှုကို ထိန်းချုပ်ရန်ဥပဒေပြဌာန်းခဲ့ပါသည်။ ၁၉၅၀ခုနှစ်မှ၁၉၇၀ခု နှစ်တိုင်အောင် နှစ်ပေါင်း၂၀ကြာမှ မီနာမာတာပြဒါးအဆိပ်သင့်ခြင်းကို ဖြေရှင်းနိုင်ခဲ့ပါသည်။ သို့သော်လည်း နာတာရှည်ရောဂါများခံစား သေဆုံးခဲ့သည့်လူများများစွာအတွက်တော့ဝမ်းနည်းစရာအလွန် ကောင်းပါသည်၊ သဘာဝပတ်ဝန်းကျင်ကိုထိန်းသိမ်းရေးသည်ကမ္ဘာ့လူသားများအဓိကရင်ဆိုင်တွေ့ကြုံနေရသည့် ကိစ္စများဖြစ်ပါသည်။ သဘာဝပတ်ဝန်းကျင်သန့်ရှင်းမှုတည်တံ့ ရေးနှင့်ညစ်ညမ်းမှုမဖြစ်စေရေးသည် အလွန်အရေးကြီးပါသည်။ အထက်ပါမီနာမာတာပြဒါးအဆိပ်သင့်သည့်အဖြစ် အပျက်သည် လူသားများ၏ အရေးပါသောနေထိုင်မှုဘ၀ဖြစ်စဉ်များကို သဘာဝပတ်ဝန်းကျင်ပျက်စီးမှုကြောင့် ပျက်သုဉ်း စေနိုင်ကြောင်းကို သတိပေးနေသောသင်ခန်းစာယူသင့်သည့် အဖြစ်အပျက် များဖြစ်ပါသည်။
ထိုသင်ခန်းစာယူသင့်သည့် မီနာမာတာပြဒါးအဆိပ်သင့်ခြင်းသည် သဘာဝပတ်ဝန်းကျင်မပျက်စီးစေ ရေးအအတွက်၊ ထိန်းသိမ်းစောင့်ရှောက်တတ်ရန်၊ လူသားများအားတွန်းအားပေးသည့် အင်အားတစ်ခုပင်ဖြစ်ပါလိမ့်မည်ဟုထင်မြင်မျှော်လင့်မိပါသည်။
မြန်မာနိုင်ငံ၏သဘာဝပတ်ဝန်းကျင်မပျက်စီးစေရေး၊ ထိန်းသိမ်းစောင့်ရှောက်နိုင်ရန်နှင့်
မိမိအကျိုး စီးပွားတစ်ခုတည်းကိုမကြည့်ပဲ၊ သဘာဝသစ်ပင်တောတောင် မြစ်ချောင်းများကို မြတ်နိုးချစ်ခင်တတ်ပြီး တည်တံ့နိုင်ရေး၊ မပျက်စီးစေရေးအအတွက်၊ အသိတရားစိတ်များ လူတိုင်းတွင်ရှိစေဘို့ ရည်ရွယ်ပြီး ရေးသားအပ် ပါသည်။
စွမ်းထက်နောင်
ပို့ဆောင်ရေးသတင်းဂျာနယ် The Transport News Journal နှင့် 
My Way Technology & Management Journal တို့တွင်ဖေါ်ပြပြီး

(5 photos)

တစ်ခါတုံးက အစိုးရ စက်မှုလက်မှု သိပ္ပံ G.T.I အင်းစိန်

“တစ်ခါတုံးက အစိုးရ စက်မှုလက်မှု သိပ္ပံ G.T.I အင်းစိန်”

            တစ်ခါတုံးက ကျွန်တော်တို့၏ အစိုးရ စက်မှုလက်မှုသိပ္ပံ G.T.I အင်းစိန်ကို ဒီအတိုင်းဘဲ ပစ်ထားတော့ မှာလားလို့ မေးချင် သိချင်နေတာ ကြာပါပြီ။ မေးခွင့် သိခွင့်လေး အထိုက်အလျောက် ရပြီလို့ ယူဆပြီး တင်ပြချင်ပါတယ်။ ကျွန်တော်က  အင်းစိန် G.T.I မှ ဒီပလိုမာ ရရှိခဲ့သူ တစ်ဦးပါ။ ကျွန်တော် အလုပ်သွား အလုပ်ပြန် G.T.I ကျောင်းဝန်းကြီးကို ဖြတ်ပြီး သွားခဲ့ ရတာ နေ့စဉ် လိုလိုပါဘဲ ကျွန်တော်တို့ဘ၀ ရပ်တည်နိုင်အောင် ပညာတွေ သင်ပေးခဲ့တဲ့ ကျောင်းကြီးမို့လဲ အမှတ်တရ အမြဲ ကြည့်လေ့ ရှိပါတယ်။

စနေ၊ တနင်္ဂနွေ အလုပ်ပိတ်ရက်တွေမှာ ကျွန်တော့် သားသမီးတွေနဲ့အတူ ကျောင်းဝင်း အနီးအနား ပျဉ်းမမြိုင် လမ်းမပေါ်မှာ လမ်းလျှောက်လှမ်းရင်း တစ်ခါက G.T.I ကျောင်းသားဘ၀ကို လွမ်းဆွတ် တမ်းတရပါတယ်။ ကျောင်းအုပ် ဆရာကြီး၊ ကထိက ဆရာ ဆရာမများ၊ လက်တွေ့သင်ကြား ပြသပေးခဲ့သော သရုပ်ပြ ဆရာများ၊ ပုံဆွဲ ဆရာကြီးများ၊ ရှုပဗေဒ၊ ဓါတုဗေဒ ဓါတ်ခွဲခန်း၊ လက်တွေ့ သင်ကြားပေးခဲ့သော ဆရာများအား အမှတ်ထင်ထင် သတိတရ ရှိနေတတ်ပါတယ်။

ကိုယ်ဖိရင်ဖိ သင်ကြားပေးခဲ့သော၊ လက်ထပ် သင်ကြားပေးခဲ့သော ဆရာများ၏ နေအိမ် အဆောက်အဦးများ၊ ကျောင်းအုပ်ကြီး နေအိမ်၊ ကထိက ဆရာများ၏ နေအိမ်၊ ကျွန်တော်တို့ ကျောင်းသားများ နေထိုင်ခဲ့ကြရသော ဗဟိုဆောင်၊ ဥတ္တရဆောင်၊ ဒက္ခိဏဆောင်၊ ထမင်းစားဆောင်၊ စားဖို ဆောင်၊ အားကစားကွင်းများ၊ ကျွန်တော်တို့ လက်တွေ့ သင်ကြား ခဲ့ရသော အလုပ်ရုံ၊ ၀ပ်ရှော့များ (WORKSHOPS) ၊ ၀န်ထမ်းများ နေထိုင်ရန် အတွက် လေးထပ်တိုက်၊ ကျွန်တော်တို့ လက်တွေ့ သင်ခဲ့ရသော လယ်ထွန်စက်၊ ဘိုတူဇာ၊ ကားမောင်း သင်ခဲ့ရသည့်နေရာ၊ နေ့စဉ် စာသင်ကြား ခဲ့ရသည် မှန်ဆောင်၊ ပျော်ပွဲရွှင်ပွဲများ၊ ဟောပြောပွဲမျာ ကျင်းပသည့် ခန်းမကျယ်ကြီး၊ ရုံးအဆောက်အဦး၊ စာကြည့်တိုက်၊ ဆေးခန်း၊ နားနေဆောင် များကို တွေ့ရတော့ အို --- အကုန် အမှတ်တရ ဖြစ်စရာတွေပါဘဲ။

ယခုတော့ ဘုရား..ဘုရား..ဘုရား ကျွန်တော်တို့၏ G.T.I ကျောင်းဝန်းကြီး နှစ်ခြမ်း ကွဲသွားခဲ့ပါပြီ၊ အလုပ်ရုံ ၀ပ်ရှော့နှင့် ပင်မ ကျောင်းကြီး၊ ကျွန်တော်တို့ နေ့စဉ် လေ့လာ သင်ယူခဲ့ရသော မြို့ပြ အင်ဂျင်နီယာ ၀ပ်ရှော့၊ စက်မှု အင်ဂျင်နီယာ ၀ပ်ရှော့၊ လျှပ်စစ် အင်ဂျင်နီယာ ၀ပ်ရှော့ စသည်များသည် ဘုရင့်နောင် ရေဆေး ကားဝပ်ရှော့၊ ယခုတော့ ကားရောင်းသည့် နေရာ ၊  သဏ္ဍန် ပြောင်းလဲ ကုန်ပြီကော နှမြောလိုက်တာ။    

            ကျွန်တော်တို့၏ စာသင်ဆောင်၊ ရုံး အဆောက်အဦးကိုရော ကြည့်လိုက်ပြန်တော့ အစိုးရ စက်မှုလက်မှု သိပ္ပံ G.T.I အဖြစ်သာ မဖွင့်နိုင်တာ ထိုနေရာတွင် တခြား ကျူရှင် တစ်ခုကတော့ ပန်းပန်လျက် ရှိနေချေပြီ (ဘော်ဒါဆောင်တွေ ဘာတွေနဲ့ အကျအန တွေ့ရပါတယ်။)၊ ကျွန်တော်တို့ နေ့ထိုင်ခဲ့သော အဆောင်များကိုရော ကြည့်လိုက်ပြန်တော့ ဆေးရုံလိုလိုနှင့် ဘာမှ မယ်မယ်ရရမဟုတ်၊ ကျောင်းအုပ်ကြီး၊ ဆရာသခင် ကထိကများ နေထိုင်ခဲ့သည့် အဆောက်အဦးများကို ကြည့်လိုက်တော့ ခေါင်မိုး မလုံသည့် အသွင် ပြောင်းထားသည့် စည်ပင် ၀န်ထမ်းများ နေအိမ်၊ ကြက်ခြေနီ အသင်းရုံး စသည်ဖြင့် ပြောင်းလဲ သွားလိုက်တာ။

            ကျောင်းဝင်းအတွင်း လမ်းလျှောက် ၀င်လိုက်မိတော့ စည်ပင်မှ ကားများ၊ ကားပျက်များ၊ အမှိုက်ပုံများကို မြင်မကောင်းအောင် တွေ့ရှိခဲ့ ရပါတယ်။ ကျွန်တော်တို့ ကျောင်းတက်ခဲ့စဉ်က မနက်အိပ်ယာထ၊ မျက်နှာသစ်၊ အားကစား လေ့ကျင့်၊ မနက်စာစား၊ ကျောင်းစာသင်ဆောင်သို့ သွား ပညာသင်၊ နေ့လည်ကျောင်းဆင်း အဆောင်မှာ လွယ်အိတ်၊ စာအုပ်များ ပြန်ထား၊ ထမင်းစားဆောင် ၀င် ထမင်းစား၊ ခေတ္တ အနားယူ ကျောင်း ပြန်တတ်၊ ၀ပ်ရှော့ဆင်းပြီး လက်တွေ့သင်၊ ညနေ ကျောင်းဆင်းချိန် ရောက်တော့ မိမိအဆောင် အခန်းပြန် အနားယူ၊ နောက် ဘောလုံး ကန်သူကန်၊ ဘောလီဘော ပုတ်သူပုတ်၊ အလေးမသူ မ၊ ပင်ပေါင၊် ကြက်တောင် ရိုက်သူရိုက်၊ ကြိုက်နှစ်သက်ရာ ကစားလို့ ရပါတယ်။

ကစားပြီး ရေချိုး ညစာ ထမင်းစား၊ အပြင် ခေတ္တလမ်းလျှောက်၊ ညအဆောင် ကျောင်းဝင်းတံခါးကြီး မပိတ်မီ ပြန်ဝင်၊ စာကြည့်၊ အိပ်၊ နောက်တစ်နေ့ မနက် ကျောင်းတတ်၊ မည်မျှ ကောင်းလိုက်သည့် လိုလေသေး မရှိသည့် ကျောင်း၊ ကျောင်းအုပ် ဆရာကြီးမှအစ၊ ဆရာ ကျောင်းသား၊ ၀န်ထမ်းများ တစည်းတလုံးတည်း တ၀င်းတည်း နေထိုင်ရသည့် ကျောင်း၊ မူးယစ်ဆေးဝါး၊ အရက်သေစာ သုံးစွဲသူ မရှိ၊ လောင်းကစား ဖဲရိုက်သူ မရှိ၊ စာသင် ဆောင်နှင့် ဘော်ဒါဆောင်က အနီးကလေး လမ်းလျှောက် ကျောင်းတက်ရုံသာ ဒါက ကျွန်တော်တို့ ပညာသင်ကြား ခဲ့ရသော အခြေအနေပါ။

            ယခု ကျွန်တော့်သမီး ဘီအီး အင်ဂျင်နီယာ သင်တန်း တတ်နေရတာတော့ အလှမ်းဝေးသည့် မှော်ဘီမှာ။ အခြား သူများ အနေဖြင့် လှိုင်သာယာနှင့် သံလျင်မှာ ကားပေါ်တွင် အချိန်ကုန်။ လက်တွေ့သင်ကြားမှုများ မေးလိုက်တော့ ဘာမှ မယ်မယ်ရရ မရှိ၊ ကျူရှင်စရိတ် များစွာ ပေးနေရ။ နောင်တနေ့ အနာဂတ် မြန်မာပြည် အတွက် အင်ဂျင်နီယာ လုပ်မည့် ကျွန်တော်တို့ ခလေးများ၊ လက်တွေ့ လုပ်ဆောင်မှု အထောက်အကူ ပစ္စည်း မရှိ။ လက်တွေ့ လုပ်နိုင်ဘို့ ဝေလာဝေး။ အလွတ်ကျက်၊ မမြင်ဘူးသော လက်တွေ့မရှိသော သင်ခန်းစာများကို ဘာမှန်းမသိ၊ အလွတ်ကျက်ဖြေ။ ရင်လေးစရာများ …

           ခုတော့ ကြားရပါပြီ။ ပညာရေးစံနစ် ပြုပြင် ပြောင်းလဲတော့မည်တဲ့။ ၀မ်းသာစရာပါ၊ ရန်ကုန် တက္ကသိုလ်ကြီးကို ပြန်လည်မွမ်းမံ ပြင်ဆင် ဖွင့်လှစ်တော့ မည်တဲ့။ R.I.T ကြီး စက်မှုတက္ကသိုလ် လဲ ပြန် ဖွင့်နေပါပြီ။ အော် ၊ နေရာ နေရာ ပညာ ဆည်းပူးရမည့် နေရာ ရှားပါးနေသလား မသိ။

            အင်း... ကျွန်တော်တို့၏ အင်းစိန် G.T.I အစိုးရ စက်မှုလက်မှု သိပ္ပံကြီးရော ဘယ်လိုလဲ မည်သည့်အခါတွင် အလှည့်ကျ မည်လဲဟု သိချင်စိတ်များက တဖွားဖွား... မည်သူတွေက ဘယ်တော့ အဖြေပေး နိုင်မှာလဲဟုသာ တွေးမိနေ ပါတော့သည်။

                                                                                                              

OLD G.T.I Student အင်းစိန်၊ အစိုးရ စက်မှုလက်မှုသိပ္ပံ ကျောင်းသားဟောင်းတစ်ဦး

အာဆင်းနစ် အဆိပ်သင့်ခြင်း (ARSENIC POISONING)

အာဆင်းနစ် အဆိပ်သင့်ခြင်း (ARSENIC POISONING)

အာဆင်းနစ် အဆိပ်သင့်ခြင်းသည် ကမ္ဘာတစ်ဝှမ်းတွင် ကြုံတွေ့နေရသော လူအများ၏ ကျန်းမာရေးကို ထိခိုက်မှုကို ဖြစ်စေသည့် ပြဿနာတစ်ရပ် ဖြစ်ပါသည်။ သဘာဝ အလျှောက် မြေအောက်ရေ၌် အာဆင်းနစ် အဆိပ်များ ပါဝင်နေတတ်ပြီး ထိုရေကို လူအများ သောက်သုံးမှုကြောင့် လူ၏ ခန္ဓာကိုယ်အတွင်းသို့ အာဆင်းနစ် အဆိပ်များ ရောက်ရှိပြီး ရောဂါများ ဖြစ်ပွားရပါသည်။ လူ၏ ခန္ဓာကိုယ် အတွင်းသို့ အာဆင်းနစ် ရောက်ရှိမှု ပမာဏ အနည်းအများ ပေါ်တွင် မူတည်၍ ရောဂါ အပြင်းထန် ရရှိမှု၊ နာတာရှည် ကျန်းမာရေး ချို့ယွင်းမှုများ ဖြစ်ပေါ်ရပါသည်။

အာဆင်းနစ်သည် မြေကြီးနှင့် မြေအောက် ရေထဲတွင် သဘာဝအလျောက် ဖြစ်ပေါ်နေသော သတ္တုဒြပ်စင် (semi metal) တစ်ခု ဖြစ်ပါသည်။ သတ္တု ဓါတုပစ္စည်းအဖြစ် တစ်ကမ္ဘာလုံးတွင် တွေ့ရှိရ၏။ သတ္တုဓါတ်များ သတ္တုပစ္စည်း အရည်အသွေးကို ပိုင်ဆိုင်ထားပြီး အပူချိန် ဒီဂရီ အနည်းအငယ်တွင် သတ္တု အသွင်သဏ္ဍာန် အတိုင်း ဖြစ်ပြီး အခြား ရွှေငွေ သတ္တုများကဲ့သို့ ပုံသဏ္ဍာန် ပြောင်းလဲမရသော သတ္တုဒြပ်စင် ဖြစ်ပါသည်။ အာဆင်းနစ်သည် မြေအောက်ရေတွင် အာဆင်းနစ် အက်စစ် (Arsenic Acid) အဖြစ် ပါဝင်နေ တတ်ပါသည်။ ဟိုက်ဒရို ကလိုရစ် အက်စစ်၊ ဆာဖြူရစ် အက်စစ် များကဲ့သို့ အရေပြားကို လောင်ကျွမ်းနိုင်သည့် အက်စစ်မျိုးကဲ့သို့ မဟုတ်ပါ။

မြေအောက်ရေတွင် အာဆင်းနစ် ပါဝင်မှု အနည်းအများမှာ ပထ၀ီဝင် အနေအထားနှင့် ဆက်နွယ်မှု ရှိပါသည်။ ပထ၀ီဝင် အနေအထားအရ အာဆင်းနစ်ကို တွေ့ရှိရသော ကမ္ဘာ့နိုင်ငံများမှာ အာဂျင် တီးနား၊ ဘင်္ဂလားဒေ့၊ ချီလီ၊ တရုတ်၊ အိနိယ၊ ထိုင်း၊ မက်စီကို၊ အမေရိက၊ တို့ဖြစ်ပါသည်။

မြန်မာနိုင်ငံ၌ မည်သည့် နေရာဒေသ များ၌် အာဆင်းနစ်ရှိကြောင်း သေချာ မသိရှိသေးသော်လည်း ဧရာဝတီတိုင်း ကျောင်းကုန်း၊ ကျုံပျော်၊ ဟင်္သာတ၊ သာပေါင်းနှင့် ရေကြည်မြို့နယ် စသည့် ဒေသများတွင် သောက်သုံး ရေတွင် အာဆင်းနစ် ပါဝင်နေကြောင်း သိရှိရပါသည်။

၂၀၀၇ ခုနှစ်တွင် လေ့လာမှုများအရ ကမ္ဘာ့နိုင်ငံပေါင်း ခုနစ်ဆယ်ကျော်မှ လူများ ၁၃၇ သန်းကျော်သည် သောက်သုံး ရေများ တွင် အာဆင်းနစ် ပါဝင်မှုကြောင့် အာဆင်းနစ် အဆိပ်သင့်ခြင်း ရောဂါများကို ခံစားနေရကြောင်း၊ ကမ္ဘာ့နိုင်ငံ များ၏ ၁၆ ရာခိုင်နှုန်းသည် ညစ်ညမ်းသော အာဆင်းနစ် အဆိပ်ဓါတ် ပါဝင်သော ရေများကို သုံးစွဲ နေရ ကြောင်း၊ ၁၉၆၀ ခုနှစ်မှ ၁၉၇၅ ခုနှစ် အတွင်း သောက်သုံးရေ မသန့်ရှင်းမှုကြောင့် ၀မ်းပျက်ဝမ်းလျှော ရောဂါများ ဖြစ်ပြီး နှစ်စဉ် ငါးနှစ်အောက် ကလေးငယ်များ တစ်သိန်းကျော် သေဆုံးနေရကြောင်း သိရှိရပါသည်။

အာဆင်းနစ်သည် အနံ့အရသာ မရှိပါ။ မြေကြီးထဲနှင့် မြေအောက်ရေများအတွင်း  သဘာဝအလျောက် ပါဝင်ြ့ပီး စိုက်ပျိုးရေး လုပ်ငန်းများ၊ ဖန်မှန် လုပ်ငန်းများ၊ လျှပ်စစ် အီလက်ထနစ် ပစ္စည်းများ ထုတ်လုပ်မှု လုပ်ငန်းစသည့် စက်ရုံ အလုပ်ရုံများမှ စွန့်ပစ်သော ဘေးထွက် ပစ္စည်းတွင်လည်း ပါဝင်ပါသည်။

အာဆင်းနစ်ကို သင်္ဘောဆေး၊ သုတ်ဆေးများ၊ အရောင်ဆိုးဆေး၊ ပိုးမွှားသတ်ဆေးများ ထုတ်လုပ်ခြင်း၊ ဆေးဝါးနှင့် ဆပ်ပြာ၊ သတ္တုလုပ်ငန်းနှင့် စီမီး ကွန်ဒက်တာ (Semi-conductor) များတွင် အသုံးပြုကြပါသည်။ ထို့ပြင် စိုက်ပျိုးရေး လုပ်ငန်းများတွင် ပိုးသတ်ဆေးအဖြစ် အသုံးပြုကြပြီး၊ သတ္တု တူးဖော်ရေးလုပ်ငန်း များနှင့် သတ္တုရည် ကြိုသည့် လုပ်ငန်းများ မှလည်း အာဆင်းနစ် အဆိပ် ထွက်ရှိနိုင်ပါသည်။  အာဆင်းနစ် အဆိပ်သင့်ခြင်းကို ကာကွယ်ကုသခြင်း မပြု ပါက အသက် သေဆုံးနိုင်ပါသည်။

အာဆင်းနစ် အဆိပ်သင့်ခြင်း ရောဂါ လက္ခဏာများ

အာဆင်းနစ် အဆိပ်သင့်ကြောင်း စတင်ရောဂါလက္ခဏာပြသမှုများမှာ ခေါင်းကိုက်ခြင်း၊ ခေါင်းရှုပ် နေခြင်း၊ စိတ် ကမောက်ကမ ဖြစ်ခြင်း၊ အိပ်ငိုက်ခြင်း၊ ၀မ်းသွား ၀မ်းလျှောခြင်းတို့ ဖြစ်ပါသည်။ အဆိပ်မိခြင်း၊ ကျယ်ပြန့် ဆိုးဝါး လာပါက ခန္ဓာကိုယ် အကြောဆွဲခြင်း၊ တက်ခြင်း၊ အရေပြား ထူလာခြင်း၊ အရေပြား အရောင်အသွေးနှင့်၊ လက်သည်း ခြေသည်းများ အရောင်ပြောင်း လာတတ်ပါသည်။

အရောင်ပြောင်းခြင်းသည် သွေးဖြူဥ ပိုမိုများလာခြင်း (Leukonychia Striata) ကြောင့် ဖြစ်ပါသည်။ ထို့ပြင် ပါးစပ်ထဲတွင် သတ္တုအရသာ ပေါ်နေခြင်း အစာမြိုချရ ခက်ခဲခြင်း ပျို့အန်ခြင်း၊ ဆီးထဲတွင် သွေးပါခြင်း၊ ကြွက်သားများ လှုပ်ရှားမှုကို အဟန့်အတား ဖြစ်စေခြင်း၊ မလှုပ်ရှားနိုင် တော့ခြင်း ခြေလက်များ ထုံကျင်ခြင်း၊ သွက်ချာပါဒ ရောဂါ ခံစားရခြင်း ဆံပင်ကျွတ်ခြင်း၊ ဗိုက်နာခြင်းများ ဖြစ်ပေါ်တတ်ပါသည်။

အာဆင်းနစ် အဆိပ်သင့်ခြင်းသည် ခန္ဓာကိုယ် အစိတ်အပိုင်းများဖြစ်သော အဆုတ်၊ ကျောက်ကပ်၊ အသည်း၊ နှလုံးနှင့် အရေပြားတို့ကို အဓိက ထိခိုက် ခံစားစေပါသည်။ နှလုံးကို ထိခိုက်စေပြီး သွေးတိုးရောဂါ၊ လေဖြတ်ခြင်း၊ အသက်ရှူလမ်းကြောင်း ရောဂါ ဖြစ်ပွားခြင်း၊ ဆီးချိုရောဂါနှင့် ကင်ဆာရောဂါ များကိုလည်း ဖြစ်ပွားစေ နိုင်ပါသည်။

အာစင်းနစ်ကြောင့် ရောဂါဖြစ်ပွားမှုကို သွေးဖေါက်စစ်ခြင်း၊ ဆီးစစ်ခြင်း၊ ဆံပင်၊ လက်သည်း၊ ခြေသည်းများ စစ် ဆေးခြင်းဖြင့် သိရှိနိုင်၏။

    နာတာရှည်ရောဂါများအဖြစ် ခန္ဓာကိုယ်အတွင်း ဗီတာမင်အေ ချို့တဲ့မှု ဖြစ်စေပြီး နှလုံးရောဂါ ဖြစ်ပွားခြင်း၊ ကြက် မျက်သင့်ခြင်း၊ ညဘက် မျက်စိမမြင်ခြင်း ရောဂါ (Night blindness) ကိုပါ ခံစား ရနိုင်ပါသည်။ သောက်သုံးရေမှ အင်အော်ဂဲနစ် အာဆင်းနစ်သည် ၇၀ မှ ၂၀၀ မီလီဂရမ် ခန္ဓာကိုယ်အတွင်း ရောက်ရှိပါက သေဆုံးနိုင်ပါသည်။

ကမ္ဘာ့ ကျန်းမာရေး အဖွဲ့အစည်း (WHO) မှ သောက်သုံးရေတွင် အာဆင်းနစ် ရေတစ်လီတာတွင် ၀.၀၁ မီလီ ဂရမ် (0.01mg/L) ထက် မပိုသင့်ကြောင်း သတ်မှတ်ထားပါသည်။ ကမ္ဘာ့ ကျန်းမာရေး အဖွဲ့မှ လူအများ၏ ကျန်းမာရေး မထိခိုက် စေရေးအတွက် တိုင်းတာရေး ပစ္စည်းကိရိယာ များဖြင့် သုတေသန ပြုထား ခြင်းဖြစ်ပါသည်။

အာဆင်းနစ် ပမာဏများစွာ ပါဝင်သော ရေကို သောက်သုံးမှုကြောင့် များစွာသော လူအများ အဆိုးဝါးဆုံး အာဆင်းနစ် အဆိပ်သင့်ခြင်း ဘင်္ဂလားဒေ့နိုင်ငံတွင် ဖြစ်ပွားခဲ့ပါသည်။ သဘာဝပတ်ဝန်းကျင် ညစ်ညမ်းမှုများ သမိုင်းတွင် လူအများ အကြီးမားဆုံး အဆိပ်သင့်ခြင်းဟု ကမ္ဘာ့ ကျန်းမာရေးအဖွဲ့မှ ခေါ်ဆို သတ်မှတ်ခဲ့ပါသည်။

          သတ္တုတူးဖော်ရာတွင် အသုံးပြုသော နည်းလမ်းတစ်ခု ဖြစ်သည့် ရေဖိအားသုံး ကိရိယာများကို အသုံး ပြု၍ သတ္တုများကို ဖယ်ရှား ပြိုကွဲစေခြင်းသည်လည်း မြေအောက်ရေ အတွင်းသို့် အာဆင်းနစ် ရောက်ရှိစေပါသည်။ မြေကြီးအတွင်းသို့် အာဆင်းနစ် ရောက်ရှိပါက၊ သဘာဝ ပတ်ဝန်းကျင် အခြေအနေ များကိုပါ ပြောင်းလဲစေ၍ မြေကြီးထဲတွင် အက်စစ်ဓါတ် လွန်ကဲစေပြီး သစ်သီးဝလံ၊ အပင်များထံသို့ အာဆင်းနစ် ၀င်ရောက်စေပါသည်။

အာဆင်းနစ်ကို ထင်ရှားသော ပိုးသတ်ဆေးအဖြစ် နိုင်ငံများတွင် အသုံးပြုနေဆဲ ဖြစ်ပါသည်။ စိုက်ပျိုးရေး လုပ်ငန်းများ၊ သတ္တုရည်ကြို လုပ်ငန်းများ ဖြစ်သည့် ခဲ၊ ရွှေ သွပ်ရည်ကြို လုပ်ငန်း၊ ကြေးနီရည်ကြို လုပ်ငန်း များမှလည်း အာဆင်းနစ် အဆိပ် ထွက်ရှိမှုကြောင့် ထို လုပ်ငန်း လုပ်ကိုင်ကြသော လုပ်သားများလည်း အဆိပ်သင့် နိုင်ပါသည်။

အာဆင်းနစ် ပါဝင်သော မြေကြီးမှ ထွက်ရှိသော စပါးတွင် အာဆင်းနစ် ၂၆၀ ပီပီဘီ (260 PPb) ပျမ်းမျှ ပါဝင်မှု ရှိကြောင်း တွေ့ရှိ ရပါသည်။ စီးပွားဖြစ် မွေးမြူသော ကြက်များတွင်လည်း အားဖြည့်ပစ္စည်း ဖြစ်သော အလေးချိန် တိုးဆေးနှင့် ကြက်သား အရေပြား အရောင်လှပစေရေး ဆေးများ၊ (Roxarsone နှင့် Nitrasone) နိုက်ထရိုက် ပါဝင်သော ဓါတ်ပစ္စည်း များကြောင့်လည်း အာဆင်းနစ် ဓါတ်များ အစားအစာတွင် ပါဝင်တတ်ပါသည်။

          အာဆင်းနစ်ကို လွန်ခဲ့သော နှစ်ပေါင်း ၂၄၀၀ ကျော်မှ စတင်၍ နိုင်ငံအသီးသီးတွင် ဆေးဝါးအဖြစ် တရုတ် တိုင်းရင်းဆေးများအဖြစ် သုံးစွဲခဲ့ပါသည်။ အနောက်တိုင်းတွင် အာဆင်းနစ် ဓါတ်ပေါင်းကို ပင်နီစလင်ဆေးဝါးနှင့် ဆာလဖာဆေးဝါးမပေါ်မီက ဆစ်ဖလစ် ကာလသားရောဂါ ကုသရေးအတွက်နှင့်ိ ပဋိဇီဝ ဆေးဝါးအဖြစ် များစွာ အသုံးပြုခဲ့ကြပါသည်။

အားတိုးဆေးများတွင် သော်လည်းကောင်း၊ အခြားဆေးဝါးများတွင် မှုလဆေးဝါး (မပါမဖြစ်ဆေးဝါး) အဖြစ် သော်လည်းကောင်း ဖေါ်စပ် အသုံးပြုခဲ့ကြပါသည်။ ဗါနီကာ ရှာလကာရည်များတွင်လည်း ရောစပ်ကြပါသည်။ အသားအရေ လှပဖြူဝင်းရန်နှင့် အရေပြား မတွန့်ရန် ဆေးများအဖြစ် မြေဖြူများဖြင့် ရောစပ် အသုံးပြုခဲ့ကြပါသည်။

သို့သော် အာဆင်းနစ်ကို သွေးကြောများမှ စုပ်ယူတတ်ကြောင်း တွေ့ရှိခဲ့သဖြင့် သုံးစွဲမှု ရပ်တန့်ခဲ့ပါသည်။ ရောင်စုံ ဆေးများအနက် အလွန်ကျော်ကြားသော အစိမ်းရောင်ခြယ်ဆေးသည် အာဆင်းနစ်ကွန်ပေါင်းကိုအခြေခံ ဖေါ်စပ်ထားခြင်း ဖြစ်ပါသည်။ တစ်ခါတစ်ရံ ပန်းချီဆေးရောင်ခြယ်လုပ်ငန်းများဖြင့် လုပ်ကိုင်ခဲ့သော အနုပညာသည်များကိုလည်း အဆိပ်အတောက်ဖြစ်စေကြောင်း တွေ့ရှိရပါသည်။

          ဘင်္ဂလားဒေ့ရ်ှနိုင်ငံတွင် ၁၉၇၀ခုနှစ်မှ ၁၉၇၅ခုနှစ်အတွင်း အမ်ဂျီအို (NGO) အဖွဲ့အစည်းများမှ အ၀ီစိတွင်းပေါင်း ၇.၅သန်းကို တူးဖော်ပေးခဲ့ကြပါသည်။ ၁၉၉၀ခုနှစ်တွင် လူဦးရေထူထပ်သောနေရာ များတွင် ပေ၃၀၀နက်သော အ၀ီစိတွင်းများကို တူးဖော်ခဲ့ပါသည်။ ထိုအ၀ီစိတွင်း ၁၀သန်းအနက် အချို့ အ၀ီစိတွင်းများ၏ ရေများသည်။  သန်း ၇၀ သော လူအများကို အဆိပ်သင့်စေခဲ့ပါသည်။ မြေကြီးအတွင်းမှ သောက်သုံးရေ ရရှိရန် တူးဖော်ခြင်းကြောင့် အောက်ခြေ ကျောက် လွှာအတွင်း၌ ရှိနေသော အာဆင်းနစ်များ ရေထဲတွင် ပါဝင်သွားခြင်းဖြစ်သည်။

ကမ္ဘာ့ကျန်းမာရေး အဖွဲ့အစည်းမှ သောက်သုံးရေတွင် အာဆင်းနစ် ပါဝင်မှု ပမာဏကို ဘင်္ဂလားဒေ့ရ်ှနိုင်ငံ အတွက် ရေတစ် လီတာတွင် ၀.၀၅ မီလီဂရမ် (0.05mg/L) အတွက် သတ်မှတ်ပေးထားခဲ့သော်လည်း မြောက်အမေရိကနှင့် ဥရောပ နိုင်ငံများအတွက်၊ ၀.၀၁ မီလီဂရမ် (0.01mg/L) သာ သတ်မှတ် ထားပါသည်။

၁၉၉၈ခုနှစ်တွင်ဗြိတိသျှပထ၀ီတိုင်းတာလေ့လာ ရေးအဖွဲ့မှ ဘင်္ဂလားဒေ့ရ်ှနိုင်ငံရှိ ၆၁ခရိုင်၏ အ၀ီစိအတွင်းများအား အာဆင်းနစ်ပမာဏပါဝင်မှုကို တိုင်း တာခဲ့ရာ ဥရောပနိုင်ငံများ စံနှုန်း 0.01mg/L ထက် ၄၆% ရာခိုင်နှုန်း ပိုမိုမြင့်မားနေပြီး ဘင်္ဂလားဒေ့ရှ် စံနှုန်း  (0.05mg/L)ထက် ၂၇%မြင့်မားနေကြောင်း တွေ့ရှိရ ပါသည်။

အာဆင်းနစ်သည် အဆိပ်တစ်မျိုးဖြစ်ပါသည်။ ၁၂၅မီလီဂရမ်မျှ စားသုံးမိပါက သေဆုံးနိုင်ပါသည်။ မာကျူရီ ပြဒါးအဆိပ်သင့်ခြင်းထက် လေးဆပိုမိုပါသည်။ အာဆင်းနစ်ပါဝင်သောရေကို တာရှည်စွာ သောက်သုံးရပါက အာဆင်းနစ်ကို စစ်ရောဂါ (Arsenicosis) ဖြစ်ပွား၍ အထွေထွေ ကျန်းမာရေး ချို့ယွင်းမှု ဖြစ်ပေါ်ပြီး အရေပြားပြဿနာများဖြစ်သည့် အရေပြားအရောင်ပြောင်းလဲခြင်း၊ လက်ဖ၀ါးနှင့် ခြေဖ၀ါးပေါ်တွင် မာကြောသောဒဏ်ရာအကွက်များကို တွေ့မြင်ရ၏။ အရေပြား၊ ဆီးအိမ်၊ ကျောက်ကပ်၊ အဆုတ် ကင်ဆာနှင့် သွေးကြော များရောဂါဖြစ်ပွားနိုင်ပါသည့်အပြင် သွေးကြောများ ရောဂါရရှိခြင်းကြောင့် (ခြေထောက်အမဲရောင်ရောဂါ) Black Foot Disease  လည်း ဖြစ်ပွားနိုင်ပါသည်။

        အာဆင်းနစ်အဆိပ်သင့်ခြင်းသည် ဖြစ်ပွားစတွင် ရောဂါလက္ခဏာပြသမှုမရှိဘဲ ရောဂါဖြစ်ပွားပြီး ၅နှစ်မှ ၁၅နှစ်အတွင်းကြာမှ အာဆင်းနစ်ကိုယ်ခန္ဓာအတွင်း ၀င်ရောက်မှု အနည်းအများအပေါ်မူတည်၍ ရောဂါလက္ခဏာ ပြတတ်ပါသည်။ ခန့်မှန်းချက်အရ ဘင်္ဂလားဒေ့နိုင်ငံတွင် ၂၅သန်းမှ ၇၇သန်းသောလူများသည် ရေတွင်ပါဝင်သောအာဆင်းနစ်အဆိပ်သင့်ခြင်းရောဂါကိုခံစားနေရကြောင်း သိရှိရပါသည်။

မြေအောက်နက်နက်တူးသောရေများတွင် အာစင်းနစ်နည်းပါးသည်ကိုတွေ့ရခြင်းကြောင့် ဘင်္ဂလားဒေ့အစိုးရက အာဆင်းနစ်ဓာတ်ပါဝင်မှုနည်းပါးသော မြေအောက်ရေကိုရရှိရန် ၂၀၀ မီတာထက်ပိုနက်သော အ၀ီစိတွင်းများကို တူးဖော်ရန်နှင့် မိုးရေကိုအသုံးပြုရန်နှင့် မိုးရေများတွင် ခြင်မပေါက်ပွားရန်သတိပြုစေ၍၊ ရေသန့်ကိရိယာများကို အသုံးပြုခြင်း၊သောက်သုံးရေစမ်းသပ်စစ်ဆေးခြင်းရေကန်များမှရေကိုလည်း သန့်ရှင်းရန် စစ်ယူခြင်း၊ ဓာတုဗေဒနည်းဖြင့် ပြုပြင်ခြင်းဖြင့် အသုံးပြုရန် ညွှန်ကြားထားခဲ့ပါသည်။

ကမ္ဘာ့ကျန်းမာရေး အဖွဲ့အစည်းက အာဆင်းနစ်သည် ကင်ဆာဖြစ်စေသော ပစ္စည်းအဖြစ်သတ်မှတ်ထား သည်။ သုတေသနပြုမှုအရ အာဆင်းနစ်ပါဝင်သည့် ရေကို သောက်သုံးရသောဒေသများ မှလူများသည် ဆီးအိမ်၊ အဆုတ်၊ အရေပြားကင်ဆာတို့ ဖြစ်ပွားတတ်ကြောင်းကို တွေ့ရှိရပါသည်။ ထို့အပြင်အရေပြားပြဿနာများ၊ သွေးလည်ပတ်မှုစနစ်၊ပင်ကိုခုခံအားစနစ်နှင့်အာရုံကြောစနစ်များကို ပျက်စီးထိခိုက်စေပါသည်။ အာဆင်းနစ်ပါသောရေကို ရေချိုးသန့်စင်သုံးစွဲခြင်းကြောင့်လည်း ခန္ဓာကိုယ် အတွင်းသို့ ရောက်ရှိစေနိုင်ပါသည်။

လယ်ယာဥယျာဉ်စိုက်ပျိုးရေး၊သီးနှံများစိုက်ပျိုးခြင်းလုပ်ငန်းများ၊ရေပေးဝေခြင်းလုပ်ငန်းနှင့် အ၀တ်လျှော် ဖွပ်ရန်ရေများ တွင်လည်း အာဆင်းနစ်ဓါတ် ကင်းစင်ရန် လိုအပ်ပါသည်။ အစားအသောက်များ၊ အထူးသဖြင့် ပင်လယ်စာများတွင်လည်း အာဆင်းနစ်ဓါတ်ပါ ၀င်တတ်ပါသည်။ ကျောက်ဖြစ် ရုပ်ကြွင်းလောင်စာများ လောင်ကျွမ်းခြင်းနှင့် သတ္တုအရည်ကျိုသည့် လုပ်ငန်းများမှ အာဆင်းနစ်ဓာတ်ငွေ့များထွက်ရှိပြီး လေထဲပျံ့လွင့်မှုကြောင့် ထိုလေကို ရှုရှိက်ရသော လူများအား ကျန်းမာရေးထိခိုက်နိုင်ပါသည်။

သစ်များတာရှည်ခံရန် အာဆင်းနစ်များကိုပိုးသတ်ဆေးအဖြစ် အသုံးပြုခြင်းနှင့် ထိုသစ်များကို ဖြတ်တောက်ခြင်း၊ ရွေဘော်ထိုး၊ ကော်ပတ်စားခြင်း တို့မှလည်း အာဆင်းနစ်များ ထွက်ရှိနိုင်ပါသည်။ ပိုးမွှားသတ်ဆေးအဖြစ် သုံးစွဲမှုကြောင့် မြေကြီးထဲသို့ရောက်ရှိ နိုင်ပါသည်။ အာဆင်းနစ်သည် လူများထံ သို့ ရေ၊ လေ၊ အစားအသောက်မှတစ်ဆင့် ရောက်ရှိနိုင်၏။ အာဆင်းနစ်ပါဝင်သော ရေကိုအငွေ့ပျံစေပြီး ပေါင်းခံခြင်းဖြင့်လည်း သန့်ရှင်းစေနိုင်ပါသည်။ ရေကို ကြိုချက်ခြင်းဖြင့် အာဆင်း နစ်ဓါတ်ကို မဖယ်ရှားနိုင်ပါ။

မိမိသောက်သုံးနေသောရေများတွင်အာဆင်းနစ်ဓါတ်ပါဝင်မှုရှိမရှိစမ်းသပ်စစ်ဆေးသင့်ပါသည်။ ပါဝင်ပါကရေကို သန့်စင်ပြီးမှသာသုံးစွဲရပါမည် ရေတစ် လီတာ တွင် အာဆင်းနစ်ပါဝင်မှုကို မီလီဂရမ်၊ပီပီအမ် mg/L (milligram per litre) = ppm (part per million)။ ရေတစ်လီတာ တွင် အာဆင်းနစ်ပါဝင်မှုကို မိုက်ခရို ဂရမ်၊ပီပီဘီ (သို့မဟုတ်) µg/L (microgram per litre) = ppb (part per billion)ဖြင့်တိုင်းတာပါသည်။ကမ္ဘာ့ကျန်းမာရေးအဖွဲ့အစည်းမှသတ်မှတ် ထားသောသောက်သုံးရေတွင်အာဆင်းနစ်ပါဝင်မှုအများဆုံးကို0.01gm/L=10µg/L=10ppbဟုသတ်မှတ်ထားပါသည်။ အာဆင်းနစ်သည် ရေထဲတွင် ပုံသဏန် ၂ မျိုးဖြင့် အောက်စီဂျင် ရရှိမှု ပေါ်မှုတည်ပြီး အာဆင်းနိုက် As(3)=H3AsO3, နှင့် အာဆင်းနိုတ် As(5)=H2AsO4အဖြစ် ပါဝင်နေတတ်ပါသည်၊

ကျဉ်းမြောင်းသော ပိုက်အ၀ိစီတွင်းမှ ထွက်သောရေသည် အောက်စီဂျင် ရရှိမှုနည်းပါးသည့် As(3)=H3AsO3 အာဆင်းနစ် ပါဝင်သောရေဖြစ်ပါသည်။ ပီအိပ် ၄ မှ ၁၀ အတွင်း ရှိတတ်ပါသည် As(5)=H2AsO4 သည် အောက်စီဂျင်ဖြင့် ထိတွေ့ပြီး အာဆင်းနိုတ်ဖြစ်ပါသည်၊ အာဆင်းနစ် ပါဝင်သော ရေကို သန့်စင်ရန်အာဆင်းနိုက်As(3)ကိုအာဆင်းနိုတ်As(5)ဖြစ်ရန်ပထမဦးစွာ အောက်စီဂျင်ဖြင့်ထိတွေ့စေရ ပါသည်။ အာဆင်းနစ်ပါဝင်သောရေကို လေထုဖြင့် ထိတွေ့စေရန် ရေပန်းရေအမှုန်အမွှားအဖြစ် ပြုလုပ်ခံယူရပါသည်။ ဒုတိယဆင့်အဖြစ် အာဆင်းနိုတ်As(5)ကိုသံအောက်ဆိုက် (Hydrous ferric oxide) နှင့် ဓာတ်ပြု ဖယ်ရှားကာ သဲ မီးသွေး တို့ဖြင့် ဖြတ်သန်းပြီး ရေသန့်ကို ရရှိစေ ပါသည်။ (H2AsO4+FeOH=FeHAsO4+H2O)

သောက်သုံးရေမှ အာဆင်းနစ်ဖယ်ရှားရန် ရေသန့်သည့်စံနစ်များ အမျိုးမျိုးရှိပါသည်။ အကျဉ်းအားဖြင့် အောက်ပါအတိုင်း ဖြစ်ပါသည်။

(Reverse Osmosis Systems) (Anionic Exchange Systems) (Iron Oxide Filter Systems) (Activated Alumina), (Iron Exchange), (Electrodialysis Reversal), (Nanofiltration), (Iron Addition Coagutation with Direct Filtration)

အထက်ပါရေသန့်စံနစ်များကိုမသုံးစွဲနိုင်သည့်ဒေသများတွင်အာဆင်းနစ်ပါဝင်သောရေကိုလေထုဖြင့် ထိတွေ့စေခြင်း၊ သံအောက်ဆိုက်ဖြင့် ထိတွေ့စေခြင်းဖြင့် အာဆင်းနစ်ကို ဖယ်ထုတ်နိုင်ပါသည်။ ထိုမှတစ်ဆင့်၊ သဲမီးသွေးတို့ဖြင့် ဖြတ် သန်းပြီး ရေသန့်ကို ရရှိစေနိုင်သော နည်းလမ်းဖြင့် ငွေကုန်ကြေးကြ နည်းပါးစွာ လုပ်ဆောင်နိုင်ပါသည်။

မိမိအိမ်သုံးရေသန့်ပုံစံကိုလွယ်ကူစွာလုပ်ဆောင်နိုင်ရန်ဖေါ်ပြအပ်ပါသည်အချို့တိုင်းပြည်များတွင် ကျန်းမာရေးပြဿနာ များထုတ်ဖေါ်နိုင်မှုနှေးကွေးခြင်း၊ သတင်းပို့မှုနှေးကွေးခြင်းကြောင့် မိမိကိုယ်မိမိအာဆင်းနစ်ကြောင့်ရောဂါများ ခံစားနေရကြောင်းမသိရှိကြပါ။ လူအများအာစင်းနစ်ရောဂါ ခံစားနေရကြောင်း စောစီးစွာသိရှိပြီး ကာကွယ်ကုသနိုင်ရန် ကျန်းမာရေးစောင့်ရှောက်သည့် လုပ်သားများ၊ လိုအပ်သကဲ့သို့ ကျန်းမာရေး အသိပညာ တိုးတက်ပြီး ရောဂါများကို မည်ကဲ့သို့ ရှောင်ရှားရမည်။ အာဆင်းနစ်၏ အန္တရာယ်ကို သိရှိ ရှောင်ကြဉ်စေရန် ကျယ်ကျယ်ပြန့်ပြန့် ဆောင်ရွက်ရပါမည်။

ရေသည် လူသားများဘ၀အတွက် မရှိမဖြစ် လိုအပ်သော ကျန်းမာရေးအတွက် အလွန်အရေးကြီးသည့် အရာဖြစ်ပါသည်။ သောက်သုံးရေ ရှားပါးသည့် ဒေသများ၊  ရေကောင်းရေသန့် လျော့နည်းနေသည့် မြစ်ချောင်းများ၊မှ ရေကိုသုံးစွဲနေကြရသည့် လူများ၊ ကျန်းမာရေးနှင့် ညီညွတ်သည့် ရေကောင်းရေသန့် ရရှိရေးသည် ဆောလျင်စွာ ဆောင်ရွက်ရမည့်လုပ်ငန်းဖြစ်ပါသည်။

ပလစ်စတစ်ပုံး (အချင်း ၃ပေ ၊ အမြင့် ၃ ပေ ၆ လက်မ) ကို အသုံးပြုနိုင်ပါသည်။

                                                                          

စွမ်းထက်နောင် (ဦးဝင်းဆွေ) ဖုန်း ၆၄၁၀၅၁